BybelskoolBybelskool
Sal jy 'n besondere boek in die middel oopmaak en sommer begin lees? Miskien lees jy net hoofstuk 9, 11 en 17 en gaan kyk dalk weer na daardie mooi gedeelte in hoofstuk 13? Beslis nie! 'n Mens lees mos 'n boek van die begin af, en volg die natuurlike ontwikkeling van die boek....
Die Gereformeerde Kerk Randburg se Bybelskool nooi jou om saam met ons na die Bybel, van begin tot einde, te kom kyk. Kom ontdek die natuurlike ontwikkeling van die Bybel, soos dit vloei van die een boek na die ander!
In een jaar gaan ons deur die Bybel, van Genesis tot Openbaring, en plaas ons die verskillende boeke in hulle regte konteks. So kan jy ook leer van al die wonderlike beloftes wat God in sy Woord aan ons maak.
Elke week word daar na een of meer boeke uit die Bybel uit gekyk. Die kursus inhoud en lering word vanaf die gereformeerde beskouing aangebied, met die Bybel as grondslag en die drie formuliere van eenheid as riglyne.
Kursusregistrasie vind in Januarie plaas en die kursus word tot in November aangebied (uitsluitende skoolvakansies)
Plek: Gereformeerde Kerk Randburg
Tyd: Dinsdagaande 19:00'”22:00
Die kursus word deur verskeie persone aangebied.
Dit sluit bybelkundiges, predikante en oud-professore soos Professor Jaap Helberg, Professor Bert Floor, Dr. Gert Breed, Ds. Thomas Dreyer, Ds. Charl van Rooy, Dr. Jacob Pretorius, Dr. Marina van Loggerenberg, Ds. Nico Botha, Ds. Koos Saayman en Ds. Maarten van Helden, in!
Elke week word daar van die leerder verwag om voorbereidingswerk vir die komende lesing te doen. Dit bestaan gewoonlik uit die lees van die betrokke Bybelboek en die klasnotas in.
'n Voorbereidingsopdrag word ook elke week ingehandig oor die leeswerk wat gedoen is. Dit bestaan uit enkele kort vrae en een langer vraag. In totaal moet die opdrag nie langer as 'n A4 folio wees nie.
Die kursus word in drie termyne aangebied, waarin ons die Bybel in die volgende dele opdeel:
1. Die Wet en Geskiedenis
2. Die Digterlike en Profetiese Boeke
3. Die Nuwe Testament
Randburg Bybelskool Detail Program:
A1 Genesis 1 tot 11
B1 Genesis 12 tot 15
B2 Eksodus
B3 Levitikus, Numeri
B4 Deuteronomium
C1 Josua
C2 Rigters, 1Sam 1'”8, Rut
D1 1 Sam 9 tot 2 Sam 24 (1 Kronieke 1'”20)
D2 1 Konings 1'”11 (2 Kronieke 1'”9)
E1 1 Konings 12 tot 2 Konings 17
E2 2 Kronieke 10'”36 (1 Konings 12'”2 Konings 25)
E3 Esra, Nehemia, Ester
F1 Psalms
F2 Job, Spreuke
F3 Prediker, Hooglied
G1 Amos, Hosea
G2 Jesaja
G3 Jeremia
G4 Vensters wat die Nuwe Testament laat oopgaan
G5 Esegiël
G6 Joël, Maleagi
G7 Daniël
H1 Matteus
H2 Markus en Lukas
H3 Johannes
I1 Handelinge
I2 Romeine
I3 1 Korintiërs
I4 2 Korintiërs
I5 Galasiërs
J1 Efesiërs, Filippense, Kolossense
J2 1 en 2 Tessalonisense, Filemon
K1 1 en 2 Timoteus, Titus
L1 Hebreërs
M1 Jakobus, 1 Petrus
M2 2 Petrus, Judas, 1'”3 Johannes
N1 Openbaring 1'”10
N2 Openbaring 11 '“22